隨U20五人隊集訓 廖億誠扶掖後輩

2019年01月31日

 愉園球員廖億誠喺上星期以超齡球員身份,參與香港U20五人代表隊喺泰國既集訓,呢趟「億誠」要幫一班年輕球員備戰U20五人亞洲盃外圍賽,所以角色同以往喺五人代表隊大隊有啲唔同。

「曾Sir搵我同陳文俊以超齡球員身份去,等今次U20集訓有兩個人可以幫手帶住成隊。」「億誠」講返呢次旅程時話:「因為教練在比賽期間,只可以喺暫停、完場後去做檢討,我哋兩個喺球隊踢友賽時,可以喺場入面算係有人指揮同俾指示。」

能夠參與代表隊備戰當然係開心,「億誠」亦感受到角色上同平日喺大隊有咩唔同:「可以參與集訓係一個肯定,之前我都呢班細路都一齊練波,但今次去係有少少教波、輔助既形式,因為踢五人代表隊時我自己喺場上會做好多野,但今次主要輔助、俾提示年輕人。」

有五人足球教練牌既「億誠」,已經係香港U12五人隊助教,就如佢所講咁樣亦係俾多一條出路。